تفعيل الشكل الجديد للفيس بوك بشكل رسمى

بعد انتظار سنة تقريبا.. تصميم فيسبوك الجديد للكمبيوتر وصل! 

- التصميم واخد شكل الموبايل شويتين وده مخليه مرتب كدا وشيك،  شكل التابات اللي فوق والليستة الجانبية ده غير بقى زرار الـ+ اللي ملازمك طول الوقت عشان لو عايز تبعت مسدج أو تعمل جروب شات , الحلو برضو في الشكل الجديد هو تنظيم شكل ليستة الكونتاكتس والناس الأونلاين عشان الشات في جمب الشاشة كدا بشكل شياكة.

العظمة كلها في ال Dark Mode وده تقدر تشغله من جوا السيتينجس عادي 

 ازاي أشغل الشكل الجديد لفيسبوك ع الكمبيوتر؟!

1. افتح الكمبيوتر , افتح فيسبوك
2. دوس على سهم الاعدادات من جمب الشاشة فوق
3. واختار Change to New Facebook وبس كدا جالك الجديد
4. وعشان تشغل الوضع الليلي اللي هيقلبلك الفيسبوك كلو سواد، هتدوس على علامة السهم اللي في جمب الشاشة فوق وهتيجي عند كلمة Dark Mode تفتح المفتاح  وبس كدا قلبت بلاك 

 توقيت إطلاق الشكل الجديد للعالم مش صدفة أعتقد، لان العالم كلو داخل، وفي بعض الدول دخل خلاص، في فترة بيات شتوي وعزل شخصي جوا البيوت وطبعا ده هيخلي الكل يستخدم الكمبيوتر أكتر بكتير من زمان