اعرف الناس مسمياك إيه

أبلكيشن اسمه GetContact وفيها أسمائهم المتسجل بيها رقمهم على موبايلات الناس
المهم ياسيدي دعبست وجبت الابلكيشن المتاح للأندرويد والـiOS وكمان لقيته عفريت منزل اصدار على متجر هواوي AppGallery كمان وعجبتني الحركة منه بصراحة 

ببصة سريعة على الأذونات اللي بياخدها، ملقيتوش بياخد الا اذن وصول للكونتاتس فقط ولقيت محترم جدا بصراحة، وهو ببساطة ابلكيشن دوره كلو انه يقولك اسم اللي بيتصل بيك زيه زي تروكولر بس طبعا على أصغر كتير، ده يادوب على 70 مليون جهاز بس، انما التروكولر معدي المليار وش!

فمتقلقش مفيش منه قلق

وعشان تستخدمه وتهيص وتركب التريند

1. سطب الابلكيشن من هنا 

2. هيطلب منك دلوقتي تعمل توثيق هويتك Verification عن طريق واتساب أو تليجرام حسب المتسكب على موبايلك

3. ساعتها بتفتح حاجة فيهم، لو واتساب بتكتب رقم موبايلك في الشات اللي بيفتحهولك وتبعته وبعدها تكتب Share Contact وتبعته

4. ساعتها هيرد الروبوت بلبينك يقولك ليك كام اسم رقمك متسجل بيهم ولما تدوس عليه يفتحلك الابلكيشن تعمل اكونت وتمشي معاه لحد ما تخلص ويظهرلك الاسامي وانت كدا تمام التمام