مواصفات دراع بلاي ستيشن 5 - الجهاز المنتظر PS5 الجديد
الدراع الجديد مسمهوش DualShock خلاص
الجديد DualSense
تصميم الدراع المرة دي مختلف حبتين مش أسود بس، الأبيض في الأسود بتداخل لطيف، ضيف على كدا ان الإضاءة الليد مبقتش في ضهر الدراع، لا بقت فوق جمب الزراير عشان تقدر تشوفها قدامك وانت بتلعب
الدراع جاي بميكروفون عشان تقدر وانت بتلعب أونلاين تعمل شات بصوتك مع صحابك من غير ما تحتاج تلبس Headset
كمان الدراع طار منه زرار Share بتاع DualShock 4 والمرة دي بقى زرار Create واللي لسا سوني مقالتش تحديدا انه هيتم استخدامه ازاي
ضيف على كدا الدراع جاي بميزة Adaptive Triggers واللي هي هتبقى في الـ R2 وL2 هيبقى فيه ڤايبريشن بيديلك احساس مقاومة كدا في الضغط عليه عشان يدخلك ويعيشك في جو اللعب حسب اللي انت بتعمله بظبط وحركاتك جواها
الدراع جاي بمخرج USB-C للشحن
